അടിക്കുറിപ്പ്

തന്റെ 

അത്യന്താധുനിക

ചിത്രം പൂർത്തിയായപ്പോൾ

ചിത്രകാരന്

എന്തെന്നില്ലാത്ത അഭിമാനം തോന്നി.

ഏതായാലും ഈ രചന

മത്സരത്തിനയച്ചുകളയാം

ഒരു നല്ല അടിക്കുറിപ്പു വേണം

എന്തു പേരു കൊടുക്കും?

അയാൾ ചിത്രം നോക്കിയിരുന്ന് തല പുകച്ചു

ഒന്നും തോന്നിയില്ല

ആകെയൊരു കൺഫ്യൂഷൻ

ആത്മാർത്ഥ സുഹൃത്തിനെ വരുത്തി

ചിത്രം നോക്കിയിരുന്നപ്പോൾ

പലതും തോന്നിയെങ്കിലും

അയാൽക്കും ആകെയൊരു  കൺഫ്യൂഷൻ

അവസാനം അവർ രണ്ടുപേരും ചേർന്ന്

ഏറ്റവും ഉചിതമായ ഒരു പേരു കണ്ടെത്തി

റ്റോട്ടൽ കൺഫ്യൂഷൻ

മത്സരത്തിൽ

ഉചിതമായ തലക്കെട്ടിനുള്ള സമ്മാനം

അയാൾക്കായിരുന്നുവത്രെ!