സുപ്രീം കോര്‍ട്ടിലെ തീര്‍പ്പാകാത്ത കേസുകള്‍

വാക്കുതര്‍ക്കം മൂത്ത്  ഒടുവില്‍ പ്രശ്നം ദൈവത്തിനു വിട്ടുകൊടുത്തുകൊണ്ട്  അയാള്‍  വിളിച്ചു പറഞ്ഞു- 
''നീ ജയിച്ചെന്നു കരുതി സന്തോഷിക്കേണ്ട. ശരിയേത് തെറ്റേതെന്നൊക്കെ നിശ്ചയിക്കാന്‍ മുകളില്‍ ഒരാളിരിപ്പുണ്ട്‌. ആ  ദൈവം നിന്നെ ശിക്ഷിക്കും നോക്കിക്കോ''  

അപ്പോള്‍ ദൈവം അയാളുടെ ചെവിയില്‍  മന്ത്രിച്ചു .
 ''അബദ്ധം വിളിച്ചുപറയാതെടോ!
ഇപ്പത്തന്നെ ഒരുപാട് കേസ്  പെന്റിങ്ങിലാ''.